İçeriğe geçmek için "Enter"a basın

Minskdə MDB ölkələrinin Daimi Səlahiyyətli Nümayəndələr Şurasının növbəti iclası keçirilib Son xəbərlər


Minskdə MDB ölkələrinin Daimi Səlahiyyətli Nümayəndələr Şurasının növbəti iclası keçirilib

Bakı, 17 may, AZƏRTAC

Mayın 16-da Minskdə Müstəqil Dövlətlər Birliyinin (MDB) üzv dövlətlərin nizamnamə və digər orqanları yanında Daimi Səlahiyyətli Nümayəndələr Şurasının növbəti iclası keçirilib.

AZƏRTAC MDB İcraiyyə Komitəsinin saytına istinadla xəbər verir ki, görüşün ilk məsələsi “Lıstapad” XXX Minsk Beynəlxalq Film Festivalına həsr olunub. Belarus mədəniyyət nazirinin birinci müavini Valeri Qromada Daimi Səlahiyyətli Nümayəndələr Şurasının üzvlərinə kinoforuma hazırlığın gedişatı barədə məlumat verib. O xatırladıb ki, festival cari ilin 1-8 noyabr tarixlərində “Keyfiyyət nişanı olan kino” şüarı altında keçiriləcək. Onun həyata keçirilməsi MDB iştirakçı dövlətlərinin mədəniyyət sahəsində 2021-2025-ci illər üçün əməkdaşlığının əsas tədbirləri çərçivəsində nəzərdə tutulub.

Kinofestivalın konsepsiyası, əsas diqqətin MDB ölkələrinin filmlərinin təqdimatına yönəldiləcəyini əks etdirir. “Lıstapad” çərçivəsində MDB-yə üzv dövlətlərin kinematoqrafiya üzrə İşçi Qrupunun üzvlərinin, MDB-nin digər təşkilati strukturlarının iştirakı ilə tədbirin keçirilməsi planlaşdırılır.

Valeri Qromadanın sözlərinə görə, kinofestivalın bağlanış mərasimində MDB İcraiyyə Komitəsi tərəfindən kinoforum proqramının filmlərindən birinə əməkdaşlığın inkişafına və xalqlar arasında dostluğun möhkəmlənməsinə görə xüsusi “Sərhədsiz kino” mükafatının təqdim edilməsi nəzərdə tutulur.

Daimi nümayəndələr, həmçinin Müstəqil Dövlətlər Birliyi Hökumət Başçıları Şurasının mayın 24-də Aşqabadda keçiriləcək növbəti iclasına hazırlığın gedişatını nəzərdən keçiriblər.

MDB hökumət başçılarına nəzərdən keçirilmək üçün 12 məsələnin təqdim ediləcəyi gözlənilir. Nümayəndə heyətlərinin rəhbərləri MDB-dəki iqtisadi qarşılıqlı fəaliyyətin aktual mövzuları barədə fikir mübadiləsi aparacaqlar. Enerji, iqtisadi, elmi-texniki və humanitar sahələrdə əməkdaşlığa xüsusi diqqət yetiriləcək.

Beləliklə, Daimi Səlahiyyətli Nümayəndələr Şurasının üzvlərinin kimya sənayesi, enerji sahəsində, təhlükəli tullantıların idarə edilməsi və ətraf mühitə toplu şəkildə zərər verən obyektlərin ləğv edilməsi sahəsində tədbirlərin həyata keçirilməsi üçün bir sıra konsepsiya və fəaliyyət planlarını təsdiqləyəcəkləri planlaşdırılır.

Hökumət başçıları 2030-cu ilə qədər MDB ölkələrinin ərazilərindən keçən infrastrukturun optimallaşdırılması və beynəlxalq nəqliyyat dəhlizlərinin inkişafı üzrə Fəaliyyət Planını təsdiq etmək niyyətindədirlər.

Türkmənistanın MDB-nin nizamnamə və digər orqanları yanında daimi səlahiyyətli nümayəndəsi, Türkmənistanın Belarus Respublikasındakı fövqəladə və səlahiyyətli səfiri Nazarkulı Şakulıyev Aşqabadın idman infrastrukturu barədə həmkarlarına məlumat verib. Məsələ, MDB Hökumət Başçıları Şurasının iclasına Türkmənistan paytaxtının MDB-nin yeni idman imkanlarının şəhəri elan edilməsi barədə qərar layihəsinin təqdim edilməsi ilə əlaqədar ortaya çıxıb.

MDB-nin nizamnamə və digər orqanları yanında üzv dövlətlərin Daimi Səlahiyyətli Nümayəndələr Şurasının növbəti iclasının iyunun 25-də keçirilməsi planlaşdırılır.


Mənbə – https://azertag.az/

Oxuduğunuz üçün təşəkkür edirik!

İlk yorum yapan siz olun

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir