Yaponiyanın Baş naziri Fransa, Paraqvay və Braziliyaya səfər edəcək Son xəbərlər

Yaponiyanın Baş naziri Fumio Kişida mayın 1-dən 6-dək Fransa, Paraqvay və Braziliyaya səfər edəcək.

“Baş nazir Kişida mayın 1-dən 6-dək Fransa, Paraqvay və Braziliyaya səfər edəcək. Bu il Yaponiyanın İqtisadi Əməkdaşlıq və İnkişaf Təşkilatına (İƏİT) üzv olmasının 60 illiyi qeyd olunur. Fransada Baş nazir Kişida İƏİT-in nazirlər iclasında iştirak edəcək. Bundan əlavə, [Fransa Prezidenti Emmanuel Makron ilə] yüksək səviyyəli görüş planlaşdırılır ki, bu görüş zamanı ikitərəfli münasibətlər və beynəlxalq məsələlər müzakirə olunacaq”.

Bundan sonra Kişida Paraqvay və Braziliyaya yollanacaq. Bu onun 2021-ci ildə baş nazir olduqdan sonra bu ölkələrə ilk səfərləri olacaq. Braziliyada Yaponiya hökumətinin başçısı G20 çərçivəsində əməkdaşlıqla bağlı məsələləri müzakirə etmək niyyətindədir.